Holy Week...

Subject: Holy Week... March 12th 2008, 10:32 am

Nalalapit na ang Holy Week...Isang kagalakan para sa akin ang okasyong ito...Sa araw na ito ginugunita natin ang kamatayan ng ating Panginoong Hesus sa Krus upang tubusin tayo sa ating mga kasalanan......

Sa ating kultura makikita natin na tuwing Holy Week ay mayroong Pasyon (pabasa), sinakulo at kung ano-ano pa....sa aking palagay ay hindi na ito dapat pang gawin natin o hindi na siguro dapat pang gayahin natin ang ginawa ni Kristo dahil hindi natin ito mapapantayan....Hindi naman sinabi ng Dios na kailangang saktan o sugatan natin ang ating mga sarili upang tayo ay kanyang mapatawad sa ating mga kasalanan....ang dapat lang nating gawin ay humingi ng kapatawaran na nagmumula sa ating mga puso...

Kayo, ano ang masasabi ninyo ukol dito??? Pabor ba kayo na pahirapan ang sarili para masabing totoo ang paghingi ng tawad?? Paano naman kung pagkatapos mong gawin ang panatang iyong sinasabi ay uupo ka na agad sa sugalan o iinom ng alak...sa palagay mo ba nalugod ang Dios sa iyong ginawa???? para na rin tayong mga kalabaw na pagkatapos linisin ng amo ay lumublob muli sa putikan...

ibigay po ninyo ang inyong mga saloobin...

Subject: Re: Holy Week... March 13th 2008, 9:59 am

Tama ka Zai. Hindi talaga mapapantayan ang ginawa ni Hesus nuon. Wink Approve

Pero bakit mo naman nasabi ito? May gumagaya ba nung mga ginawa ni Hesus para ito pantayan?

Katoliko ako at ilang beses na rin akong naging bahagi ng mga pagsasadula ng Paghihirap, Pagkamatay, at Muling Pagkabuhay ni Hesus ngunit hindi minsan man lang pumasok sa aking isip na ginawa ko ang bagay na iyon upang pantayan ang mga ginawa Niya.

Tulad lang rin iyan ng mga ginagawa sa paaralan na pagsasadula ng Little Mermaid kung may programa sa school o tulad nung ginawa ko nuong ako ay nasa elementary pa na gumanap ako bilang isang hari sa isang dula. Ginagawa ang mga pagsasadula na iyon hindi lang para aliwin tayo bagkos ito ay ginagawa upang magpahayag ng mensahe sa isang makulay at malikhaing paraan.

Kung tayo ay natutuwa sa mga Telenovela (Marimar o Lobo) o sa mga Anime, bakit hindi natin katuwaan at kapulutan rin ng aral ang mga Senakulo o pagsasadula ng Paghihirap, Pagkamatay, at Muling Pagkabuhay ni Hesus? Nasa mga puso na ng mga Mananampalataya ang tunay na pagninilay at tanging si Hesus ang makababasa ng mga ito.

Tungkol naman sa pagpapahirap sa sarili upang makakuha ng kapatawaran. Wala sa turo ng Simbahan ang mga Flagellations at pagpapapako sa Krus at hindi ito iniuutos na gawin.

Isa pa, wala pa akong narinig na Katoliko na nagsabing ginawa niya ay bagay na iyon para iligtas ang sanlibutan tulad ng ginawa ni Hesus. Maririnig mo yung mga maling paniniwala na dahil dito nababawasan raw kasalanan nila. Wala sa turo ng Simbahan ito pero ang kanilang ginagawa ay maaaring magdala sa kanila sa isang tunay na pagsisi at sa awa at wagas na pagmamahal ng Diyos ay makatatanggap rin sila ng kapatawaran. Ayun ay kung madadala sila ng kanilang ginagawa sa isang tunay na pagsisisi. Hindi na natin ito hawak, bahala na si Hesus sa bagay na ito.

Sana hindi rin natin makalimutan na punahin o paalalahanan yung mga Mananampalatayang tuwing Mahal na Araw na imbes magnilay ay nasa mga Beach at nagpapasarap. Kaya lang iwasan naman natin na husgahan sila, paalalahanan ngunit maging maingat tayo na hindi mauwi sa panghuhusga ang pagpapa-alaala sa kanila. Baka naman kasi after nung whole day at the beach eh isang buong gabi naman silang nananalangin, malay natin diba?

Kasi ngayong Mahal na Araw sa unang pagkakataon ay wala ako sa aming Parokya upang magnilay pupunta ako sa Legazpi, Albay kasi gusto kong makipagnilay sa mga mangingisda ng Rapu-rapu environmentalist ako ngayong Holy Week

google rapu-rapu mining

Subject: Re: Holy Week... March 13th 2008, 2:39 pm

tama ka kuya...walang masamang isadula pero hindi ba't kapag may isinasadula tayo hindi naman natin ginagawang sugatan ang ating mga sarili...

dito kasi sa amin kapag mahal na araw may nagpapadugo ng likod....sa akin kasing pananaw hindi kailangan ang ganung klaseng pagpapahirap sa sarili...kung talagang nais mo ang dalisay na paghingi ng tawad pumunta ka sa isang silid isarado mo ito at buksan ang iyong puso sa DIos...

Kuya sama ako sa Legaspi hehee

Subject: Re: Holy Week... March 13th 2008, 11:44 pm

Pero Zai Flagellation is never part of the Holy Week presentation sa mga Simbahan. Ang mga nakikita mo sa kalye ay hindi bahagi ng mga senakulo o mga pagsasadula. Grin

Mga Katoliko nga ang gumagawa ng mga ganyan pero hindi ito dahil itinuro sa kanila ng Simbahan na gawin ang bagay na iyon. Sa totoo nga lang ay pinagbabawalan sila na gawin ito. Ang Simbahan ay hindi sang-ayon sa mga ganyang gawain kasi hindi makukuha sa pagpaparusa sa katawang lupa mo ang kapatawaran at kaligtasan.

Dapat siguro na maging malinaw ito para sa mga hindi Katoliko. Hindi po itinuturo ng Simbahan na sugatan mo ang sarili para maligtas. Hindi po itinuturo ng Simbahan na na magpapako ka sa krus upang maligtas.

Maliwanag ang ang sinasabi ng Simbahan tungkol sa Kaligtasan. Isang Gumaganap na Pananampalataya sa iisang Diyos na Buhay ang kailangan mo upang maligtas.

Ang Holy Week ang reminder natin sa Kaligtasang ibinigay ng Ama sa atin sa pamamagitan ng kanyang Bugtong na Anak na si Hesus. Kung pinahahalagahan natin nang husto ang Pasko ng Kapanganakan ay mas dapat na pahalagahan natin ang Pasko ng Pagkabuhay ni Hesus. Dahil ito ang sentro ng Pananampalatayang Kristiyano. Wink Approve

Subject: Re: Holy Week... March 14th 2008, 4:59 pm

ganun ba??? dito kasi sa amin palasak ang ganyang bagay at mukha namang hinahayaan lang ng simbahan...

kunsabagay hindi naman talaga makatarungang husgahan sila subalit hindi talaga tama ang kanilang ginagawa hehehe

Subject: Re: Holy Week... March 14th 2008, 5:04 pm

Oo nga. May kakulangan talaga ang Simbahan sa pagbabawal. Pero dito sa Lugar namin ay walang ganyan. May gumawa man siguradong dayo at hindi mula sa Simbahan.

Sana tigilan na nila kasi iba ang naituturo sa mga hindi pa nakaka-alam ng tunay na ibig sabihin ng Mahal na Araw.

Subject: Re: Holy Week... March 14th 2008, 5:10 pm

dito sa amin thursday morning hanggang riday night merong mga nagpapadugo...ako tuloy hindi makalabas ng bahay kasi matatalsikan ako ng dugo hehhee...

ang mga bata natatakot din..sana naman mabuksan na ang isipan nila na hindi naman dapat pahirapan ang sarili..

» Holy Week Vacation
» Top Poster of the Week
» Earn up to 11k a week through online (This is legal)